عزا في الغابة
قبل 7 أعوام
إظهار الرسائل ذات التسميات غباء Xغباء. إظهار كافة الرسائل
اللذيذ في موضوع الكتابة ده اني بتفهم غلط خااااالص .
اصل انا مش بكتب في المدونة على طول ، انا بكتب في ورق اثناء ساعات انتظاري للبلاوي اللي بقابلهم .
فالاقي كل واحد يبص لي و يسرح .
اللي حاسس اني بكتب له جواب غرامي و لا حاجة
و اللي حاسس اني برسمه فيقف كده و يديني نظرة تامل و شرود و يعدل القميص الغبي زي اللي لابسه
يا يبدا يجوم من حولي و يحاول بفضوله الشنيع انه يعرف انا بعمل ايه ، يا يعمل زي اغبيا كتير بيعملوا ، يقف ورايا و يشب عشان يقرا اللي بكتبه .
بجد عايزة اعرف ، و انت مال اهلك
اكتب اللي اكتبه
بكتب تقرير عنك للمخابرات
بكتب مسرحية
بكتب كتاب
اهبب اللي اهببه
ليه الناس اول ما تلاقي حد بيعمل حاجة مش معتادة يبدوا يسكتوا خااالص و ينتبهوا للي بعمله ، لعل و عسى حد يعرف انا بعمل ايه .
و هو ايه المفروض او منتظر اني اعمله ؟ مين اللي حدد للي قاعد مستني انه يعمل ايه ؟
اقرا ، اكتب ، ارسم ، اسمع اغاني ، اتشقلب .... و انت مالك .
ااااه
غباوة
اصل انا مش بكتب في المدونة على طول ، انا بكتب في ورق اثناء ساعات انتظاري للبلاوي اللي بقابلهم .
فالاقي كل واحد يبص لي و يسرح .
اللي حاسس اني بكتب له جواب غرامي و لا حاجة
و اللي حاسس اني برسمه فيقف كده و يديني نظرة تامل و شرود و يعدل القميص الغبي زي اللي لابسه
يا يبدا يجوم من حولي و يحاول بفضوله الشنيع انه يعرف انا بعمل ايه ، يا يعمل زي اغبيا كتير بيعملوا ، يقف ورايا و يشب عشان يقرا اللي بكتبه .
بجد عايزة اعرف ، و انت مال اهلك
اكتب اللي اكتبه
بكتب تقرير عنك للمخابرات
بكتب مسرحية
بكتب كتاب
اهبب اللي اهببه
ليه الناس اول ما تلاقي حد بيعمل حاجة مش معتادة يبدوا يسكتوا خااالص و ينتبهوا للي بعمله ، لعل و عسى حد يعرف انا بعمل ايه .
و هو ايه المفروض او منتظر اني اعمله ؟ مين اللي حدد للي قاعد مستني انه يعمل ايه ؟
اقرا ، اكتب ، ارسم ، اسمع اغاني ، اتشقلب .... و انت مالك .
ااااه
غباوة
هتشل كالعادة ...
من يومين قابلت واحدة مستجدة في الكار بتاعنا ، دخلت عيادة و انا قاعدة مستنية الدكتور و قررت انها تشلني و تمارس العادة المحببة لدى البشر جميعا و هي الغباء.
سالتني: هو الدكتور موجود.
قلتلها : اه يا ماما .
اتلقحي جنبي
- هو عنده سكرتيرة ؟
ااااااه ، لا ، شغال بالقصور الذاتي ، فاتحها سبيل .
- طبعا
- طب هي فين ؟
ااااااه ، و انا مال اهلي ..بتساليني انا ليه ؟؟
- عنده يا حبيبتي
- طب هو عنده حالة ؟
ااااااه ، ده بقى السؤال الغبي ، انا كان قلبي حاسس اني هتشل النهاردة .
امال انا مرمية بره ليه ، براقب المرور.
- طبعا
- طب هندخل امتى ؟
شيلوها من قدامي البت دي
- لما ييجي علينا الدور
- طيب .
اااااه
و لما جه علينا الدور دخلت البرنسيسة معايا و سمعت الcall من اولها لاخرها و في الاخر اكتشفت انها الcompetitor بتاعي ....و حياة ***!!! و لا بلاش ، عيب .
و افتكرت _ ايام ما كان عندي تفكير _ ان الحياة هتبقى حلوة و الغباوة هتقل و اترحم شوية ، بس ده طبعا شئ مستحيل خصوصا معايا .
رحت عيادة تانية و برضو اعدت مستنية الدكتور لقيتها داخلة ...
اااااه ، فين الشباك اللي هنا ، ازاي عيادة من غير شباك ، فين المهندس اللي بناها ؟؟؟
بس قعدت ماسكة اعصابي في ايد و الايد التانية مجهزاها عشان على وشها بقى المرة دي لو اتكلمت معايا تاني ، بس الحمد لله السكرتيرة كانت قاعدة فخدت الجرعة بدالي ، لكن معقول تسكت و تسيبني ف حالي ...ابداااااا
قالت لي: عارفة مركز ***
- اه ، لعلمك ده كويس و فيه دكتورة ** حوت ، هتظبطك .
- طب اروحه ازاي ؟
وصفتلها المكان عشان ما تقولش بس اني شريرة
راحت سالتني سؤال غبي كالعادة
- انتي هتروحيه بعد ما تخلصي هنا ؟
- لا ، انا رحته خلاص .
تخيلوا قالت ايه ....
يا خساااارة
ليه يا ماما ؟
ليه يا حلوة ؟
هشيلك ، و لا هسليكي في الطريق بدل السوداني
تاخدى الشارع ده لاخره هتلاقي بنني ادمين كتير متكومين ، يبقى هو هناك .
راحت بصالي بصة قطعت قلبي و قالت لي...طيب.
بصراحة خلصت الدكتور ده و جري عالبيت عشان ما اشوفهاش تاني ، و لما دخلت قفلت باب الشقة كويس و قلتلهم لو حد خبط ما تفتحوش ، قالولي...... طيب .
من يومين قابلت واحدة مستجدة في الكار بتاعنا ، دخلت عيادة و انا قاعدة مستنية الدكتور و قررت انها تشلني و تمارس العادة المحببة لدى البشر جميعا و هي الغباء.
سالتني: هو الدكتور موجود.
قلتلها : اه يا ماما .
اتلقحي جنبي
- هو عنده سكرتيرة ؟
ااااااه ، لا ، شغال بالقصور الذاتي ، فاتحها سبيل .
- طبعا
- طب هي فين ؟
ااااااه ، و انا مال اهلي ..بتساليني انا ليه ؟؟
- عنده يا حبيبتي
- طب هو عنده حالة ؟
ااااااه ، ده بقى السؤال الغبي ، انا كان قلبي حاسس اني هتشل النهاردة .
امال انا مرمية بره ليه ، براقب المرور.
- طبعا
- طب هندخل امتى ؟
شيلوها من قدامي البت دي
- لما ييجي علينا الدور
- طيب .
اااااه
و لما جه علينا الدور دخلت البرنسيسة معايا و سمعت الcall من اولها لاخرها و في الاخر اكتشفت انها الcompetitor بتاعي ....و حياة ***!!! و لا بلاش ، عيب .
و افتكرت _ ايام ما كان عندي تفكير _ ان الحياة هتبقى حلوة و الغباوة هتقل و اترحم شوية ، بس ده طبعا شئ مستحيل خصوصا معايا .
رحت عيادة تانية و برضو اعدت مستنية الدكتور لقيتها داخلة ...
اااااه ، فين الشباك اللي هنا ، ازاي عيادة من غير شباك ، فين المهندس اللي بناها ؟؟؟
بس قعدت ماسكة اعصابي في ايد و الايد التانية مجهزاها عشان على وشها بقى المرة دي لو اتكلمت معايا تاني ، بس الحمد لله السكرتيرة كانت قاعدة فخدت الجرعة بدالي ، لكن معقول تسكت و تسيبني ف حالي ...ابداااااا
قالت لي: عارفة مركز ***
- اه ، لعلمك ده كويس و فيه دكتورة ** حوت ، هتظبطك .
- طب اروحه ازاي ؟
وصفتلها المكان عشان ما تقولش بس اني شريرة
راحت سالتني سؤال غبي كالعادة
- انتي هتروحيه بعد ما تخلصي هنا ؟
- لا ، انا رحته خلاص .
تخيلوا قالت ايه ....
يا خساااارة
ليه يا ماما ؟
ليه يا حلوة ؟
هشيلك ، و لا هسليكي في الطريق بدل السوداني
تاخدى الشارع ده لاخره هتلاقي بنني ادمين كتير متكومين ، يبقى هو هناك .
راحت بصالي بصة قطعت قلبي و قالت لي...طيب.
بصراحة خلصت الدكتور ده و جري عالبيت عشان ما اشوفهاش تاني ، و لما دخلت قفلت باب الشقة كويس و قلتلهم لو حد خبط ما تفتحوش ، قالولي...... طيب .
قابلت الاسبوع اللي فات واحد في شركة التوزيع ..بس غبي ، غبي . كنا مرميين لغاية ما ييجي الحاج الصيدلي ، و المكتب اصلا كان مرشق ميديكال و طبعا كلنا كنا بنبص لبعض شذرا باعتبار ان كل واحد شايف التانيين افاقين و كدابين و " جتكوا القرف مليتوا البلد " ، و الباشا ده كان قاعد هو و زميلته من نفس الشركة و عمالين يهزروا و يضحكوا ببلاهة و تخلف و هم في منتهى السعادة ، مش عارفة ليه بصراحة ..يمكن كان فاكر ان دي رحلة او هييجي الصيدلي يتشقلب ، مش عارفة . انا كنت واقفة و كافية خيري شري و بحاول اني ما اتشلش لغاية ما اللي حصل حصل ...رن الموبايل بتاع المكتب ، و على حالة الهيستريا اللي كان فيا من الضحك ، يخرب بيته ، انا في الاول قلت يمكن ده موبايله هو و لا ال vibration بيزغزغه و لا حاجة ، لكن ...لا ، الموبايل عالمكتب و مش بتاعه هو اصلا . طب ايه ، مالك يا بابا ، لا و الرنة اصلا عادية مش اغنية مثلا و لا حاجة هتفكره بالذي مضى ، لا دي رنة غبية زي اللي حاططها . بس بجد قلقت عالواد ، ده مع كل رنة يضحك و يتنطط و البنت اللي معاه عمالة تبصله بحول و انبهار هي كمان . بجد سبحان من شغلهم هم الاتنين في نفس الشركة و نفس الاريا كمان ، هي الاشكال دي لما بتتلم على بعض الموضوع بيبقى قشطة اوي ، كل اللي قدرت اعمله انا العبد لله اني اطلع الموبايل و اكتب اللي حساه عشان ما اتنقطش .
