عزا في الغابة
قبل 7 أعوام
إظهار الرسائل ذات التسميات فارابيات. إظهار كافة الرسائل
انا غلطانة
انا غلطانة و تييييييييت كمان .
الاسبوع اللي فات قابلت دكتور المفروض اني بفكره بالفورديرم ، فقالي انه فعلا كتبه بس مش موجود في الصيدليات و قاللي انه مش هيكتبه تاني الا لما يتوفر و انا فعلا وعدته اني اوفره عند البلاوي اللي تحت ، و اداني الكارت بتاعه عشان لما اوفره اقوله .
قشطة ؟ ....قشطة .
فعلا اتشقلبت مع الصيدلية دي لغاية ما وفروا ، فقلت اطلع اقول للحاج ده لقيته مش موجود ، فاتصلت بيه فقالي انه في عملية ...
طبعا انا اتسرعت و كنت هرمي الموبايل و اجري ، مش عارفة ليه تخيلت واحد متشرح جنبه و ايديه مليانة دم و ماسك الموبايل و يبزعق و اللي جنبه بيصرخ ، فقلت له هكلمك بكرة و قفلت و جريت عالبيت .
كلمته تاني يوم و كان الجمعة و قلت له فقالي خلاص ..متشكرين .
قشطة ؟ ....قشطة .
يوم السبت بقى قلت شياكة مني اروح له العيادة و اعتذر له عن عدم التوفر و اني بلغته بالتليفون مع ان المفروض اني ابلغه بنفسي و بالمرة اديله عينة ..اهو ، ان شا الله ما حد حوش ، حركات يعني .
الحيوان ده عشان اروح له دبيت حتة مشوار ، طريق كده من اللي يمشيش فيه اي وسيلة مواصلات لا عامة و لا خاصة ، و لا حتى توك توك .
المهم رحت و دخلت للباشا اصلا الساعة 11.30 و ضيع على اهلي الp.m في انتظار سعادته .
اول ما دخلت ....تخيلوا ايه اللي حصل ؟؟؟؟
بص لي حتة بصة ....يعني لولا انه و الحمد لله من فصيلة بني ادم و بعيد شوية عن طائفة التنين كان زماني اتفحمت
و راح قالي :
" هي شغلانة يا دكتورة ؟ هو كل يوم هنتكلم في الفورديرم و لا ايه ؟ "
اااااااااااااااااااااااااااااااه
انا غلطانة
انا غلطانة
انا غلطانة عشان انت دكتور تيييييييت ، و عيادتك في مكان تييييييت تييييييييت ، و انا مليون تييييييييييييييييييييييييييييييييييت عشان عبرت اهلك اللي ماربوش التييييييييت اللي جابوه .
يا زباااااااااااااااااااالة
انا غلطانة و تييييييييت كمان .
الاسبوع اللي فات قابلت دكتور المفروض اني بفكره بالفورديرم ، فقالي انه فعلا كتبه بس مش موجود في الصيدليات و قاللي انه مش هيكتبه تاني الا لما يتوفر و انا فعلا وعدته اني اوفره عند البلاوي اللي تحت ، و اداني الكارت بتاعه عشان لما اوفره اقوله .
قشطة ؟ ....قشطة .
فعلا اتشقلبت مع الصيدلية دي لغاية ما وفروا ، فقلت اطلع اقول للحاج ده لقيته مش موجود ، فاتصلت بيه فقالي انه في عملية ...
طبعا انا اتسرعت و كنت هرمي الموبايل و اجري ، مش عارفة ليه تخيلت واحد متشرح جنبه و ايديه مليانة دم و ماسك الموبايل و يبزعق و اللي جنبه بيصرخ ، فقلت له هكلمك بكرة و قفلت و جريت عالبيت .
كلمته تاني يوم و كان الجمعة و قلت له فقالي خلاص ..متشكرين .
قشطة ؟ ....قشطة .
يوم السبت بقى قلت شياكة مني اروح له العيادة و اعتذر له عن عدم التوفر و اني بلغته بالتليفون مع ان المفروض اني ابلغه بنفسي و بالمرة اديله عينة ..اهو ، ان شا الله ما حد حوش ، حركات يعني .
الحيوان ده عشان اروح له دبيت حتة مشوار ، طريق كده من اللي يمشيش فيه اي وسيلة مواصلات لا عامة و لا خاصة ، و لا حتى توك توك .
المهم رحت و دخلت للباشا اصلا الساعة 11.30 و ضيع على اهلي الp.m في انتظار سعادته .
اول ما دخلت ....تخيلوا ايه اللي حصل ؟؟؟؟
بص لي حتة بصة ....يعني لولا انه و الحمد لله من فصيلة بني ادم و بعيد شوية عن طائفة التنين كان زماني اتفحمت
و راح قالي :
" هي شغلانة يا دكتورة ؟ هو كل يوم هنتكلم في الفورديرم و لا ايه ؟ "
اااااااااااااااااااااااااااااااه
انا غلطانة
انا غلطانة
انا غلطانة عشان انت دكتور تيييييييت ، و عيادتك في مكان تييييييت تييييييييت ، و انا مليون تييييييييييييييييييييييييييييييييييت عشان عبرت اهلك اللي ماربوش التييييييييت اللي جابوه .
يا زباااااااااااااااااااالة
هتشل كالعادة ...
من يومين قابلت واحدة مستجدة في الكار بتاعنا ، دخلت عيادة و انا قاعدة مستنية الدكتور و قررت انها تشلني و تمارس العادة المحببة لدى البشر جميعا و هي الغباء.
سالتني: هو الدكتور موجود.
قلتلها : اه يا ماما .
اتلقحي جنبي
- هو عنده سكرتيرة ؟
ااااااه ، لا ، شغال بالقصور الذاتي ، فاتحها سبيل .
- طبعا
- طب هي فين ؟
ااااااه ، و انا مال اهلي ..بتساليني انا ليه ؟؟
- عنده يا حبيبتي
- طب هو عنده حالة ؟
ااااااه ، ده بقى السؤال الغبي ، انا كان قلبي حاسس اني هتشل النهاردة .
امال انا مرمية بره ليه ، براقب المرور.
- طبعا
- طب هندخل امتى ؟
شيلوها من قدامي البت دي
- لما ييجي علينا الدور
- طيب .
اااااه
و لما جه علينا الدور دخلت البرنسيسة معايا و سمعت الcall من اولها لاخرها و في الاخر اكتشفت انها الcompetitor بتاعي ....و حياة ***!!! و لا بلاش ، عيب .
و افتكرت _ ايام ما كان عندي تفكير _ ان الحياة هتبقى حلوة و الغباوة هتقل و اترحم شوية ، بس ده طبعا شئ مستحيل خصوصا معايا .
رحت عيادة تانية و برضو اعدت مستنية الدكتور لقيتها داخلة ...
اااااه ، فين الشباك اللي هنا ، ازاي عيادة من غير شباك ، فين المهندس اللي بناها ؟؟؟
بس قعدت ماسكة اعصابي في ايد و الايد التانية مجهزاها عشان على وشها بقى المرة دي لو اتكلمت معايا تاني ، بس الحمد لله السكرتيرة كانت قاعدة فخدت الجرعة بدالي ، لكن معقول تسكت و تسيبني ف حالي ...ابداااااا
قالت لي: عارفة مركز ***
- اه ، لعلمك ده كويس و فيه دكتورة ** حوت ، هتظبطك .
- طب اروحه ازاي ؟
وصفتلها المكان عشان ما تقولش بس اني شريرة
راحت سالتني سؤال غبي كالعادة
- انتي هتروحيه بعد ما تخلصي هنا ؟
- لا ، انا رحته خلاص .
تخيلوا قالت ايه ....
يا خساااارة
ليه يا ماما ؟
ليه يا حلوة ؟
هشيلك ، و لا هسليكي في الطريق بدل السوداني
تاخدى الشارع ده لاخره هتلاقي بنني ادمين كتير متكومين ، يبقى هو هناك .
راحت بصالي بصة قطعت قلبي و قالت لي...طيب.
بصراحة خلصت الدكتور ده و جري عالبيت عشان ما اشوفهاش تاني ، و لما دخلت قفلت باب الشقة كويس و قلتلهم لو حد خبط ما تفتحوش ، قالولي...... طيب .
من يومين قابلت واحدة مستجدة في الكار بتاعنا ، دخلت عيادة و انا قاعدة مستنية الدكتور و قررت انها تشلني و تمارس العادة المحببة لدى البشر جميعا و هي الغباء.
سالتني: هو الدكتور موجود.
قلتلها : اه يا ماما .
اتلقحي جنبي
- هو عنده سكرتيرة ؟
ااااااه ، لا ، شغال بالقصور الذاتي ، فاتحها سبيل .
- طبعا
- طب هي فين ؟
ااااااه ، و انا مال اهلي ..بتساليني انا ليه ؟؟
- عنده يا حبيبتي
- طب هو عنده حالة ؟
ااااااه ، ده بقى السؤال الغبي ، انا كان قلبي حاسس اني هتشل النهاردة .
امال انا مرمية بره ليه ، براقب المرور.
- طبعا
- طب هندخل امتى ؟
شيلوها من قدامي البت دي
- لما ييجي علينا الدور
- طيب .
اااااه
و لما جه علينا الدور دخلت البرنسيسة معايا و سمعت الcall من اولها لاخرها و في الاخر اكتشفت انها الcompetitor بتاعي ....و حياة ***!!! و لا بلاش ، عيب .
و افتكرت _ ايام ما كان عندي تفكير _ ان الحياة هتبقى حلوة و الغباوة هتقل و اترحم شوية ، بس ده طبعا شئ مستحيل خصوصا معايا .
رحت عيادة تانية و برضو اعدت مستنية الدكتور لقيتها داخلة ...
اااااه ، فين الشباك اللي هنا ، ازاي عيادة من غير شباك ، فين المهندس اللي بناها ؟؟؟
بس قعدت ماسكة اعصابي في ايد و الايد التانية مجهزاها عشان على وشها بقى المرة دي لو اتكلمت معايا تاني ، بس الحمد لله السكرتيرة كانت قاعدة فخدت الجرعة بدالي ، لكن معقول تسكت و تسيبني ف حالي ...ابداااااا
قالت لي: عارفة مركز ***
- اه ، لعلمك ده كويس و فيه دكتورة ** حوت ، هتظبطك .
- طب اروحه ازاي ؟
وصفتلها المكان عشان ما تقولش بس اني شريرة
راحت سالتني سؤال غبي كالعادة
- انتي هتروحيه بعد ما تخلصي هنا ؟
- لا ، انا رحته خلاص .
تخيلوا قالت ايه ....
يا خساااارة
ليه يا ماما ؟
ليه يا حلوة ؟
هشيلك ، و لا هسليكي في الطريق بدل السوداني
تاخدى الشارع ده لاخره هتلاقي بنني ادمين كتير متكومين ، يبقى هو هناك .
راحت بصالي بصة قطعت قلبي و قالت لي...طيب.
بصراحة خلصت الدكتور ده و جري عالبيت عشان ما اشوفهاش تاني ، و لما دخلت قفلت باب الشقة كويس و قلتلهم لو حد خبط ما تفتحوش ، قالولي...... طيب .
قابلت الاسبوع اللي فات واحد في شركة التوزيع ..بس غبي ، غبي . كنا مرميين لغاية ما ييجي الحاج الصيدلي ، و المكتب اصلا كان مرشق ميديكال و طبعا كلنا كنا بنبص لبعض شذرا باعتبار ان كل واحد شايف التانيين افاقين و كدابين و " جتكوا القرف مليتوا البلد " ، و الباشا ده كان قاعد هو و زميلته من نفس الشركة و عمالين يهزروا و يضحكوا ببلاهة و تخلف و هم في منتهى السعادة ، مش عارفة ليه بصراحة ..يمكن كان فاكر ان دي رحلة او هييجي الصيدلي يتشقلب ، مش عارفة . انا كنت واقفة و كافية خيري شري و بحاول اني ما اتشلش لغاية ما اللي حصل حصل ...رن الموبايل بتاع المكتب ، و على حالة الهيستريا اللي كان فيا من الضحك ، يخرب بيته ، انا في الاول قلت يمكن ده موبايله هو و لا ال vibration بيزغزغه و لا حاجة ، لكن ...لا ، الموبايل عالمكتب و مش بتاعه هو اصلا . طب ايه ، مالك يا بابا ، لا و الرنة اصلا عادية مش اغنية مثلا و لا حاجة هتفكره بالذي مضى ، لا دي رنة غبية زي اللي حاططها . بس بجد قلقت عالواد ، ده مع كل رنة يضحك و يتنطط و البنت اللي معاه عمالة تبصله بحول و انبهار هي كمان . بجد سبحان من شغلهم هم الاتنين في نفس الشركة و نفس الاريا كمان ، هي الاشكال دي لما بتتلم على بعض الموضوع بيبقى قشطة اوي ، كل اللي قدرت اعمله انا العبد لله اني اطلع الموبايل و اكتب اللي حساه عشان ما اتنقطش .
قابلت من يومين الدكتور اياه تاني ، اللي كان بيقلبني ده .
انا كنت واقفة في حالي مستنية دكتور تاني و ما كنتش عايزة اقابل الحاج ده اصلا ، لكن لقيته مرة واحدة نط لي و انا واقفة ...
- ازيك يا دكتورة .
يهدك يا بعيد
- اهلا يا دكتور ، ازيك .
- الحمد لله ، مش معبرانا ليه .
بص لنفسك في المراية و انت تعرف ليه
- انا اقدر برضو يا دكتور
- ها، ما فيش عينات ؟
بلاش ارد عليك
- مع الاسف لا يا دكتور ، عشان كده كنت كسوفة اجي اقابل حضرتك
- لا ابدا ابدا ، بس اول ما تجيلك عينات ابقي عديها علينا ..ها ها ها
يا حيواااان
بجد و هو بيتكلم و بيضحك فكرني ب" خلة " ..شخصية " خليل " في يوميات ونيس
نفس التنطيط و القصر و الهبل .
- طبعا طبعا يا دكتور
ايه اخبار البلانكا معاك يا دكتور ؟
- كويسة جدااا ، مرتاح عليها عالاخر ، شوية بس و ابقى افوق لها
هتفوق لها ازاي يعني ؟؟ و لا انت كشكول ؟؟؟
- طب الحمد لله يا دكتور ، اخبار كويسة .
اااااه
انا كنت واقفة في حالي مستنية دكتور تاني و ما كنتش عايزة اقابل الحاج ده اصلا ، لكن لقيته مرة واحدة نط لي و انا واقفة ...
- ازيك يا دكتورة .
يهدك يا بعيد
- اهلا يا دكتور ، ازيك .
- الحمد لله ، مش معبرانا ليه .
بص لنفسك في المراية و انت تعرف ليه
- انا اقدر برضو يا دكتور
- ها، ما فيش عينات ؟
بلاش ارد عليك
- مع الاسف لا يا دكتور ، عشان كده كنت كسوفة اجي اقابل حضرتك
- لا ابدا ابدا ، بس اول ما تجيلك عينات ابقي عديها علينا ..ها ها ها
يا حيواااان
بجد و هو بيتكلم و بيضحك فكرني ب" خلة " ..شخصية " خليل " في يوميات ونيس
نفس التنطيط و القصر و الهبل .
- طبعا طبعا يا دكتور
ايه اخبار البلانكا معاك يا دكتور ؟
- كويسة جدااا ، مرتاح عليها عالاخر ، شوية بس و ابقى افوق لها
هتفوق لها ازاي يعني ؟؟ و لا انت كشكول ؟؟؟
- طب الحمد لله يا دكتور ، اخبار كويسة .
اااااه
بحترم جداااا الدكتور اللي بيخلي جو عيادته مناسب للتخصص بتاعه ، يمكن ده مش بيبقى متاح لكل التخصصات لكن مبدئيا في دكاترة الاطفال الموضوع بيقى لذيذ ، بحس اني برجع فيه لايام الطفولة بتاعتي .
خاصة بقى لما تبقى العيادة مليانة صور و بوسترات و لعب ، بعد اتفرج عليهم و ببق عايزة اقلب العيل اللي بيلعب و العب انا بس بقول اهو نحترم نفسنا ، لكن.....
لما الدكتور يبدا يخلي شكله هو مناسب لتخصصه ، الموضوع بيبقى صعب اوووووي .
يعني مش عشان انت دكتور اطفال يبقى لازم تلبس كاب على راسك و و تطلع من تحته " قصة " و لابس تي شيرت نص كم و مشمره لغاية ما بقى " كت " و الله اعلم بالباقي ..انا كل مرة بقول يا رب ما يقوم يقف ، خليه قعد و خلي الطابق مستور عشان مش طالبة غباوة .
خاصة بقى لما تبقى العيادة مليانة صور و بوسترات و لعب ، بعد اتفرج عليهم و ببق عايزة اقلب العيل اللي بيلعب و العب انا بس بقول اهو نحترم نفسنا ، لكن.....
لما الدكتور يبدا يخلي شكله هو مناسب لتخصصه ، الموضوع بيبقى صعب اوووووي .
يعني مش عشان انت دكتور اطفال يبقى لازم تلبس كاب على راسك و و تطلع من تحته " قصة " و لابس تي شيرت نص كم و مشمره لغاية ما بقى " كت " و الله اعلم بالباقي ..انا كل مرة بقول يا رب ما يقوم يقف ، خليه قعد و خلي الطابق مستور عشان مش طالبة غباوة .
رحت من اسبوع لاحد المستوصفات ، و المسئول عنها رجل طيب جدا و محترم اسمه ا.*** ، و المفروض ان اي ميديكال عايز يقابل حد من الدكاترة يروح يقوله بس انا عايز اقابل فلان و فلان مش اكتر .
الاسبوع اللي فات لما رحت ، فبسال عليه عشان اقوله و ادخل للدكاترة ، فما لقيتوش ، سالت عليه احد الممرضات فقالت لي : " ا.*** في اوضة النسا " معرفش ازاي انا عملت كده بس لقيتني تنحت و بصيت لها بغباوة و قلت لها " ا.*** في اوضة النسا ؟؟؟؟؟ "
فالبنت قالت لي " في اوضة النسا مش مع دكتورة النسا ...الدكتورة مشيت و هو دخل يشرب سيجارة جوا "
ههههههههههههههههههههههههههههه
نو كومينت
يا حيواااااان
هو انا جاية اصرف عليك و لا اعالجك على حسابي
طبعا زي ال... كتبت له رقمي .
و بعدين قالي : " عندكوا ايه تاني بقى "
فقلت له من غير ما اطلع بروشور " كريم لسقوط الشعر "
فقال لي " لا ..انا لسه شباب و ما دخلتش دنيا الا من 10 سنين بس ، شعري ما بيقعش ، غيره "
يا حيوااااااااااااااااااان
احنا مش فاتحينه للعيانة بسيادتك
قلت له "دوا للجروح يا دكتور"
قال لي" اه ، الجروح بيتاخر التئامها عندي"
فقلت له" حضرتك لا قدر الله عندك سكر "
قال لي "لا ، خاالص ، مش بقولك انا لسه شباب ، لا ضغط و لا سكر "
فضحكت و قلت له " الضغط ييجي بعد الجواز يا دكتور "
فضحك و قال لي "اه ، بس انا لسه ما جاليش ، مش بقولك شباب ، انتي عندك ضغط "
كنت عايزة اقوله لا..بس اكيد جاني في الربع ساعة المنيلة دي
قلت له "لا ..المتجوزين ضغطهم عالي ، المش متجوزين بقى ضغطهم واطي ، زي حالاتي "
يا واااااطي
اعد يضحك و قال لي "طب ما اتجوزتيش ليه؟؟؟"
طب ارد عليه اقول له ايه
قلت له " ظروف يا دكتور ، ما كنتش فاضية"
فقال لي "عندك عينة لبتاع الجروح "
قلت له بوش كلب " لا"
قالي " عموما انا ببقى موجود هنا كل اتنين و جمعة ، لما يبقى معاكي عينات ابقي هاتيلي."
اااااااااااااااه
الاسبوع اللي فات لما رحت ، فبسال عليه عشان اقوله و ادخل للدكاترة ، فما لقيتوش ، سالت عليه احد الممرضات فقالت لي : " ا.*** في اوضة النسا " معرفش ازاي انا عملت كده بس لقيتني تنحت و بصيت لها بغباوة و قلت لها " ا.*** في اوضة النسا ؟؟؟؟؟ "
فالبنت قالت لي " في اوضة النسا مش مع دكتورة النسا ...الدكتورة مشيت و هو دخل يشرب سيجارة جوا "
ههههههههههههههههههههههههههههه
نو كومينت
.............................................................................
من اسبوع برضو قابلت في احد المستوصفات دكتور اطفال ، و بكلمه عن الكالموميل و طبعا احنا مش معانا عينات فقلت له " يبقى لك " ، فركن البروشور على جنب و قال لي" عندكوا ايه تاني بقى؟؟؟؟؟؟؟" فقلت يمكن الرجل كفتجي و بيشتغل في كله ، فكلمته عن البلانكا ، فقال لي "اه حلو ده" ، قلت قشطة كويس ، فكمل : " اصل انا عندي بقع كتير ، و محتاجه ، ما معاكيش عينة " حسيت انه مش هيرتاح غير لما يقلبني فطلعت له واحدة اهو يتكتم و قلت له : " اه طبعا يا دكتور " و شرحت له الاستخدام ، و ما كانش عاوز يسمع اصلا بتتكون من ايه ، و سالني هي هتعد معايا اد ايه ، فقلت له حوالي شهر ، فقالي و هو بيضحك " و بعد الشهر ده انا هعمل ايه ، اكتبي لي رقم تليفونك عالكارت ."يا حيواااااان
هو انا جاية اصرف عليك و لا اعالجك على حسابي
طبعا زي ال... كتبت له رقمي .
و بعدين قالي : " عندكوا ايه تاني بقى "
فقلت له من غير ما اطلع بروشور " كريم لسقوط الشعر "
فقال لي " لا ..انا لسه شباب و ما دخلتش دنيا الا من 10 سنين بس ، شعري ما بيقعش ، غيره "
يا حيوااااااااااااااااااان
احنا مش فاتحينه للعيانة بسيادتك
قلت له "دوا للجروح يا دكتور"
قال لي" اه ، الجروح بيتاخر التئامها عندي"
فقلت له" حضرتك لا قدر الله عندك سكر "
قال لي "لا ، خاالص ، مش بقولك انا لسه شباب ، لا ضغط و لا سكر "
فضحكت و قلت له " الضغط ييجي بعد الجواز يا دكتور "
فضحك و قال لي "اه ، بس انا لسه ما جاليش ، مش بقولك شباب ، انتي عندك ضغط "
كنت عايزة اقوله لا..بس اكيد جاني في الربع ساعة المنيلة دي
قلت له "لا ..المتجوزين ضغطهم عالي ، المش متجوزين بقى ضغطهم واطي ، زي حالاتي "
يا واااااطي
اعد يضحك و قال لي "طب ما اتجوزتيش ليه؟؟؟"
طب ارد عليه اقول له ايه
قلت له " ظروف يا دكتور ، ما كنتش فاضية"
فقال لي "عندك عينة لبتاع الجروح "
قلت له بوش كلب " لا"
قالي " عموما انا ببقى موجود هنا كل اتنين و جمعة ، لما يبقى معاكي عينات ابقي هاتيلي."
اااااااااااااااه
