ميزتك إنك رومانسي ومأفور في الإحساس أو تكون ميزتك فراستك
ممكن ميزتك تكون قلب أبيض أو حنون ممكن تكون ميزتك حماشتك
في ناس تعرف تفصل لبس الناس بكل احساس مهما كانت خامة قماشتك
وناس بضربة فاس تحول تربة قلقاس (أو اناناس) بفضل ربى مش بفضلك
ولو في يوم لبست قضية في ناس ميزتها هي (هي إيه) ميزتها انها تجيب برآتك
بس ركّز في اللي جاي
ماحدش عجبه حاله، حالة غيره اللي بتحلاله
دايماً شرقي بيغرّب وأيسر نفسه يبقى أيمن
التخين بيخسس والتانى رفيع نفسه يتخن
أسمر بيفتح، أبيض نفسه يبقى بلاك
من خلفله بنت بيزعل نفسه يخلف واد
ايون ايون ايون
إنسى إنك ترضى بحالك دايماً عاجبك حال الغير
مهما تكون حالتك دايماً باصص للتغيير
صدقنى لو بصيت جواك هتلاقى ياما كتير
قدرات مميزات إن كنت غني أو فقير
متقللش من نفسك ده إنت بنفسك طاقة خير
هتحقق إللي في نفسك واللي يمسك خليه يطير
ارضى ياابن آدم باللي اتقسم عليك
ولأني عارفك مش هترضى غير بتراب فى عينيك
ربك ميز كل واحد منا بحاجة

فالناس فعلاً لبعض دايما محتاجة
دور والقى ميزتك حاول حافظ عليها
طورها اتميز بيها حياتك هتلاقيها
فى الأول ماشية صح طول ما انت راضي بيها
ارضى بحياتك انت واقبلها باللي فيها
ده الرضى نعمة كبيرة إحمد ربك عليها وخدها مني كلمة مافي حاجة بتساويها
حد يترجملي بيقول ايه الواد ده
انا اقولك بيقول ماتحاولش تبقى حد تاني غير نفسك
قوم دور بنفسك جوا نفسك هتلاقي حاجة ماحدش فيها ينافسك
لو مالكش عازة ماكنتش اتخلقت ولا اتحسبت من الناس ولا اترزقت