قابلت الاسبوع اللي فات واحد في شركة التوزيع ..بس غبي ، غبي . كنا مرميين لغاية ما ييجي الحاج الصيدلي ، و المكتب اصلا كان مرشق ميديكال و طبعا كلنا كنا بنبص لبعض شذرا باعتبار ان كل واحد شايف التانيين افاقين و كدابين و " جتكوا القرف مليتوا البلد " ، و الباشا ده كان قاعد هو و زميلته من نفس الشركة و عمالين يهزروا و يضحكوا ببلاهة و تخلف و هم في منتهى السعادة ، مش عارفة ليه بصراحة ..يمكن كان فاكر ان دي رحلة او هييجي الصيدلي يتشقلب ، مش عارفة . انا كنت واقفة و كافية خيري شري و بحاول اني ما اتشلش لغاية ما اللي حصل حصل ...رن الموبايل بتاع المكتب ، و على حالة الهيستريا اللي كان فيا من الضحك ، يخرب بيته ، انا في الاول قلت يمكن ده موبايله هو و لا ال vibration بيزغزغه و لا حاجة ، لكن ...لا ، الموبايل عالمكتب و مش بتاعه هو اصلا . طب ايه ، مالك يا بابا ، لا و الرنة اصلا عادية مش اغنية مثلا و لا حاجة هتفكره بالذي مضى ، لا دي رنة غبية زي اللي حاططها . بس بجد قلقت عالواد ، ده مع كل رنة يضحك و يتنطط و البنت اللي معاه عمالة تبصله بحول و انبهار هي كمان . بجد سبحان من شغلهم هم الاتنين في نفس الشركة و نفس الاريا كمان ، هي الاشكال دي لما بتتلم على بعض الموضوع بيبقى قشطة اوي ، كل اللي قدرت اعمله انا العبد لله اني اطلع الموبايل و اكتب اللي حساه عشان ما اتنقطش .
This entry was posted
on 10:25 ص
and is filed under
غباء Xغباء,
فارابيات
.
You can leave a response
and follow any responses to this entry through the
.
البوست يا بتوع البوست داخل فى بعضة مش شايف
(:(: